ஐரோப்பிய நாடுகளில் உள்ள முன்னணி கால்பந்து கிளப் அணிகளுக்கு இடையில் ஆண்டுதோறும் கால்பந்து லீக் தொடர் நடைபெறும். இதில் வெற்றி பெற்று இறுதிப் போட்டிக்கு முன்னேறும் அணிகள் கோப்பைக்காக பலப்பரீட்சை நடத்தும். இந்த வருடத்திற்கான (2017-18) இறுதிப் போட்டி உக்ரைனில் உள்ள கிவ் நகரில் நடைபெறுகிறது. இதில் ரியல் மாட்ரிட் - லிவர்பூல் அணிகள் பலப்பரீட்சை நடத்துகின்றன.
2018-19 தொடரின் இறுதிப் போட்டி அடிட்லெடிகோ மாட்ரிட் அணியின் ஹோம் தைானமான வாண்டா மெட்ரோபோலிடானோவில் நடக்கிறது. இந்த மைதானத்தில் 67 ஆயிரம் ரசிகர்கள் அமர்ந்து போட்டியை ரசிக்கலாம்.
இந்நிலையில் 2019-2020 தொடரின் இறுதிப் போட்டி துருக்கி இஸ்தான்புல்லில் உள்ள அட்டாடர்க் ஒலிம்பிக் மைதானத்தில் நடைபெறும் என யூஇஎஃப்ஏ தலைவர் அலெக்சாண்டர் செபரின் உறுதிப்படுத்தியுள்ளார்.
2005-ம் ஆண்டு தொடரின் இறுதிப் போட்டி இந்த மைதானத்தில்தான் நடைபெற்றது. இதில் லிவர்பூல் - ஏசி மிலன் அணிகள் பலப்பரீட்சை நடத்தின. ஒரு கட்டத்தில் 0-3 என பின்தங்கியிருந்த லிவர்பூல், பின்னர் 3-3 என டிரா செய்தது. அதன்பின் நடைபெற்ற பெனால்டி சூட்அவுட்டில் வெற்றி பெற்று வாகை சூடியது.
